صدفه
،،،،،،،،،،،،،،
صدفه لقيتا واقفه قبالي
بتنده عليي بصوت مش عالي
بتسال عن الاحوال
عَلَّي انحكا ونقال
عن برعم الحب ال بدا
يشرب من دموع الندا
وعن طير وقف الصبح صلالو
يفتّح يشوف الواقف قبالو
ومن دون حكي سمعت الحكي
مثل ال كانّو مسافر وتعبان
راجع ع حي الولدنه نعسان
من عيونها بيجر خطواتو
ع عيون نطرت هالحلم ذاتو
وكل ما اقترب خطمه
عم تكثر العتمه
وبالرغم ما حامل معي عكاز
ما قدرت حاجز هالنفس اجتاز
ولقيت نفسي راحت تقلا
كلمه عسى ويا رب توصلا
ياريت جيتي قبل ما شاب الزمان
،،،،،،،،،،،،،،،،،،،،،،،،،،،،،،،،،،،،،
راضي مشيلح
ليست هناك تعليقات:
إرسال تعليق