.... دنيتنا الجديده ....
تعالى ننسى الدنيا ديه
ونبني دنيتنا الجديده
وانتي وأنا بس فيها
نمشي فيها
وشجره مايله
وشجره عدله
وطيور نايمه
وطيور طايره
عايشه سعيده
ونهر يجري
لوحده يسقي
نخله طويله
سعافها تنزل
لحد كتافها
تعمل ضفيره
وأرض خضره
مهياشي خايفه
بورده طارحه
بقمحه فارده
وبحر ماشي
حوالين مدينه
وقلبي وقلبك
ضله وعيله
مش خايفه بكره
من نار تيجيها
وليلنا نجمه
وقمره تسهر
في كل ليله
وننام ونصحي
على صوت بلابل
حره وجريئه
مش صوت قنابل
تزرع جماجم
في كل عيله
تعالى ننسى الدنيا ديه
وفيها الجمال بأه رزيله
وطريقها يشغي
بطفل معشي
فيها طفوله
وعلموه...
تتقتل يا تقتل
وتصير بطوله
حمامها مسافر
سلامها مهاجر
مابيده حيله
.............
أحمد عوض الله أحمد
ليست هناك تعليقات:
إرسال تعليق